Атырауда жалған нөмір таққан көліктің 86 айыппұлы бар болып шықты

Атырауда мемлекеттік нөмірі жалған көліктің төленбеген 86 айыппұлы бар екені анықталды, көлік айып тұрағына қойылды, деп хабарлайды Zakon.kz polisia.kz-ке сілтеме жасап.

27 мамырда Атырауда жедел басқару орталығының бейнебақылау қызметкерлері Interceptor іздеу жүйесі Mersedec автокөлігінің қарызы бар екенін анықтап, патрульдік полиция қызметкерлеріне бағыттама берген.

Тексеріс барысында автокөліктің төленбеген 86 айыппұлы бар екені, сондай-ақ мемлекеттік белгісі жалған екені анықталды.

ҚР Әкімшілік құқық бұзушылық туралы кодексінің 590-бабының 4-бөлігіне сәйкес, хаттама толтырылып, автокөлік арнайы айып тұрағына қойылды.