Германияда Абай үйі ашылды

Сурет: gov.kz

Қазақстанда туып-өскен немістер Германияда Абай үйін ашты. 20 жыл бұрын тарихи Отанына оралған қазақстандық неміс ұлтының өкілдері Залах қаласында «Қазан»деген атпен қауымдастық құрған.

100-ден астам мүшесі бар ұйым қазақтың мәдениеті мен өнерін насихаттап келеді, деп жазады qazaqstan.tv.

Ауласына киіз үй тігіп, қазақтың салт-дәстүрін немістерге паш етіп жүрген жерлестеріміз енді ұлы Абайдың шығармашылығын көпшілікке кеңінен танытпақ.

"Абай үйі - Германия мен Қазақстан арасындағы мәдени көпір болады деген үміттеміз. Абай - ұлы жазушы. Оны әлем жұрты білуі тиіс. Біз Қазақстанда туып-өстік, ол біздің Отанымыз. Туған жеріміздің жылдан-жылға көркейіп, дамығанын көріп, қуанып отырамыз. Болашақта елімізге қаржы құйып, кәсіп ашқымыз келеді." Валерий Оствальд, «Қазан» қазақ қауымдастығының төрағасы

Оқи отырыңыз