Түркістан облысында оқушылар мінген кортеждің жүргізушілері жазаланды

Түркістан облысында кезекті кортеж жүргізушілері жауапкершілікке тартылды, деп хабарлайды Zakon.kz polisia.kz-ке сілтеме жасап.

Әлеуметтік желілерге мониторинг жүргізу барысында полицейлердің назарына Түркістан облысы Төлеби ауданы жолдарының бірінде жол қозғалысы ережесін бұзған жүргізушілердің видеосы түсті.

Жол ережесін бұзған Toyota Land Cruiser және Toyota Camry автокөліктерінің жүргізушілері, яғни Қазығұрт ауданының тұрғындары анықталды.

Оларға қатысты ҚР Әкімшілік құқық бұзушылық туралы кодексінің 593-бабы 1-бөлігі мен 595-бабы 1-бөлігі бойынша хаттамалар толтырылды. Аталған көлік құралдары айыптұраққа қойылды.