Қазақстанның адам суға көп батқан өңірлері аталды

Сурет: Zakon.kz

Төтенше жағдайлар министрі Юрий Ильин 6 маусымда өткен үкімет отырысында соңғы үш жылда елдегі су қоймаларында мыңнан астам адам суға кеткенін айтты, деп хабарлайды Zakon.kz.

2022 жылы суға батқандар саны 43%-ға азайғанымен, министрдің айтуынша, жалпы жағдай мәз емес.

"Соңғы үш жылда мыңнан астам адам суға батып кетті (1103 адам, оның 321-і балалар). Жыл басынан бері еліміздің су қоймаларында 69 адам құтқарылды, оның 15-і балалар. Шомылу маусымы басталғалы бері 11 адам құтқарылды, оның екеуі бала. Қазірдің өзінде 45 адам суға батып кетті, оның ішінде 14-і кәмелетке толмаған балалар. Суға батқандардың көбі Ақтөбе, Абай, Қостанай облыстарында тіркелді".Юрий Ильин

Еліміздегі су қоймаларындағы өлім-жітімнің негізгі себептері ретінде Төтенше жағдайлар министрлігінің басшысы жабдықталмаған жерлерде суға түсу, балаларды үлкендердің қарауынсыз қалдыру, мас күйінде суға түсу және өз күштерін жете бағаламауды атап өтті.

Оқи отырыңыз