Қазақстанның Ұлттық экономика вице-министрі тағайындалды
Сурет: primeminister.kz
Бұл туралы 27 маусымда ҚР үкіметінің баспасөз қызметінен хабарлады:
"Қазақстан Республикасы Үкіметінің қаулысымен Құдайбергенов Бауыржан Әлібекұлы Қазақстан Республикасының Ұлттық экономика вице-министрі болып тағайындалды".
Бауыржан Құдайбергенов 1988 жылы дүниеге келген. Л.Н. Гумилев атындағы Еуразия ұлттық университетін бітірген. М.Әуезов атындағы Оңтүстік Қазақстан мемлекеттік университетін, Манчестер университеті (Ұлыбритания), Назарбаев университетін тәмамдаған.
Еңбек жолын Республикалық бюджеттің атқарылуын бақылау жөніндегі есеп комитетінің Талдау және ақпараттандыру басқармасының инспекторы болып бастады.
2012-2017 жылдары Республикалық бюджеттің атқарылуын бақылау жөніндегі есеп комитетінің құрылымында сарапшы-аудитор, бас сарапшы-мемлекеттік аудитор қызметтерін атқарған.
2018-2022 жылдары Қазақстан Республикасы Президенті Әкімшілігінің Әлеуметтік-экономикалық мониторинг бөлімінде, Қазақстан Республикасы Тұңғыш Президенті Кеңсесінің Ақпараттық-талдамалық қамтамасыз ету бөлімінде түрлі лауазымдарды атқарған.
2022 жылдың ақпанынан осы уақытқа дейін Қазақстан Республикасы Премьер-Министрінің кеңесшісі қызметін атқарды.
"Болашақ" стипендиясының иегері, 2021 жылғы Президенттік жастар кадрлық резервінің мүшесі.
26 маусымда Шолпан Каринова 2022 жылдың тамыз айынан бері атқарып келген Білім министрлігінің бірінші вице-министрі қызметінен босатылғаны белгілі болды.
