Нөсер жауыннан Германия астанасы су астында қалды

Германия астанасы Берлинде төпелеп жауған жаңбырдан су тасқыны басталды.

Жергілікті тұрғындар көшелерде тізеден су кешіп жүр. Жауын 30 градустық аптап ыстықтан кейін басталып, толассыз жауған, деп жазады qazaqstan.tv.

Топан судан автокөлік қатынасы қиындады. Осыған байланысты қоғамдық көліктер уақытынан кешігіп, кейбір автобустар уақытша тоқтады. Зардап шеккен адамдар туралы әзірге мәлімет жоқ.