Астанада қоғамдық көліктер кестедегі уақытынан неге кешігіп келуде – құзырлы орган жауабы

Марафон, сурет - Zakon.kz жаңалық 02.07.2023 16:19

Сурет: Астана қаласы әкімдігінің баспасөз қызметі

2 шілдеде марафонның өтіп жатуына байланысты елордада қоғамдық көліктер шамамен 20 минутқа кешігуде. Бұл туралы City Transportation Systems баспасөз қызметі хабар таратты, деп хабарлайды Zakon.kz.

Айта кетсек, 2 шілдеде Астананың Триатлон саябағында 60 елдің спортшыларының қатысуымен Ironman 70.3 турнирі өтіп жатыр.

Осыған байланысты мына жол учаскелері сағат 04: 00 бастап 18: 00-ге дейін жабық:

Б.Момышұлы даңғылының бойы ішінара, атап айтқанда Елім-ай көшесінен Сарайшық көшесіне дейінгі аралық жартылай жабық.
А.Байтұрсынов көшесінің бойы Тәуелсіздік даңғылына дейінгі жолдың екі жолағында қозғалысқа тыйым салынды.
Ұлы дала даңғылынан Оңтүстік айналма жолға дейін.
айналма жолдың М-36 трассасына шығатын тұсынан Қорғалжын тас жолының бұрылысына дейін және Н. Байғанин көшесінің қиылысындағы велосипед тұрағының бұрылысына дейін ішінара жабылды.
Оңтүстік айналма жолдан оңға қарай Ұлы Дала даңғылының бойымен жаңа көпір арқылы Нәжімеденов көшесіне дейін.
Нәжімеденов көшесінен Тәуелсіздік даңғылына дейін. Одан әрі А. Байтұрсынов көшесі бойымен Триатлон саябағына дейін.

Оқи отырыңыз