Астанада қоғамдық көліктер мереке күндері қалай жұмыс істейді

Астана, Жаңа жыл, қоғамдық көлік, сурет - Zakon.kz жаңалық 29.12.2023 10:10

Сурет: Facebook/CTS

Астана қаласы Көлік және жол-көлік инфрақұрылымын дамыту басқармасына қарасты "City Transportation Systems" ЖШС (CTS) мереке күндері елордада қоғамдық көліктер нешеден нешеге дейін жұмыс істейтінін айтты, деп хабарлайды Zakon.kz.

(CTS) ұсынған мәлімет бойынша, 30-31 желтоқсан – автобустар демалыс күнінің кестесі бойынша 06:00-ден 23:00-ге дейін жұмыс істейді.

1 қаңтар таңғы сағат 06:00-ден 10:00-ге дейін автобустардың 50%-ы шығады, 10:00-ден кейін толық кестеге сәйкес сағат 23:00-ге дейін жүреді;
2 қаңтар сенбі күнінің кестесі бойынша 06:00-ден 23:00-ге дейін жұмыс істейді;
3-12 қаңтар аралығында қалалық қоғамдық көліктің жұмысы сенбілік кесте бойынша жүргізіледі.

Компанияның мәлімдеуінше, 3 қаңтардан қала маңы бағдарлары бекітілген кестеге сәйкес (апта күніне сәйкес) жүреді.

Бұған қоса компанияның баспасөз қызметі сапарды жоспарлау кезінде осы ақпаратты ескеруді сұрады.

Оқи отырыңыз