Қасымбек: Астанадағы LRT және ЖЭО-3 құрылысына жүздеген миллиард теңге қажет

Сурет: Zakon.kz

Астана әкімі Жеңіс Қасымбек 3 шілдеде мәслихатта елордадағы LRT мен ЖЭО-3 құрылысын аяқтау үшін қанша қаражат қажет екенін айтты, деп хабарлайды Zakon.kz тілшісі.

Жеңіс Қасымбек 2023-2025 жылдарға арналған қалалық бюджет туралы мәслихаттың шешіміне өзгерістер мен толықтырулар енгізу туралы айтты.

"Біз шындықты айтуымыз керек: LRT құрылысын аяқтау үшін бізге сонша қаражат қажет. Алдағы екі-үш жылда – 250-300 миллиард теңге керек. ЖЭО-3-ті аяқтау үшін де жүздеген миллиард теңге қажет. Біз кәріз жүйесінде үш бесжылдық бюджеттің тапшылығын көріп отырмыз – бұл үлкен сомалар. Оны айтқым да келмейді – жүздеген, жүздеген миллиард теңге", - деді Астана қаласының әкімі.

Бұл ретте ол әкімдіктің үлкен жоспарлары барын қосты. Жеңіс Қасымбек мемлекет басшысы мен Қаржы министрлігі қала басшылығына қаржыландыру мәселесін шешуге көмектесетініне сенім білдірді.

"Президенттің ерекше көңіл бөлуі арқылы үкіметтің қаржы органы және басқа да салалық министрліктер арқылы 2024-2026 жылдарға арналған бюджетте біз қандай да бір жолмен қосымша қаржы тартамыз деп үміттенеміз. Алдағы екі, үш жылға дейін бюджетті толтыру қиынға соғады", - деп қосты Жеңіс Қасымбек.

30 маусымда Астанадағы LRT құрылысын жалғастыруға 50 миллиард теңге бөлінгені хабарланған болатын.

Оқи отырыңыз