Астана күні қарсаңында өткен концертте кімдер өнер көрсетті

Астана күні қарсаңында өткен концертте кімдер кімдер өнер көрсетті, сурет - Zakon.kz жаңалық 06.07.2023 17:00

Сурет: Мәдениет және спорт министрлігі

5 шілдеде "Астана Арена" стадионының алаңында ҚР Мәдениет және спорт министрлігінің ұйымдастыруымен Астана күніне арналған үлкен мерекелік концерт өтті.

Ауқымды шоу аясында қазақстандық эстрада жұлдыздары: Бауыржан Исаев, Әйгерім Алтынбек, Қайрат Түнтеков, Мархаба Сәби, Аргоня, Диная, Қазбек Құрайыш, Диана Исмаил, Ғазизхан Шекербеков, Еңлік Құрарбек, Нұрболат Қанай, Мирас Жүгінісов және басқа да танымал орындаушылар өнер көрсетті.

Сонымен қатар көрермендерді "Жастар" театрының әртістері, Contrast би ансамблі, "Джентльмен" және "Байжан" топтары, сондай-ақ "Қазақстан дауысы" телешоуының финалистері өз шығармашылығымен қуантты.

"Біріншіден, Астана қаласының барлық тұрғындарын қаланың 25 жылдығымен құттықтағым келеді. Осы іс-шара аясында біз барлық жастағы тыңдаушылар арасында танымал музыканттарды шақыра отырып, елорда тұрғындары мен қонақтары үшін шын мәнінде ауқымды шоу ұйымдастыруға тырыстық. Келген көрермендердің саны мен олардың қызу қолдауына сүйене отырып, іс-шара лайықты деңгейде өтті деп бағалауға болады", - деді ҚР МСМ Мәдениет комитетінің төрағасы Арман Жүдебаев.

Оқи отырыңыз