Алматыда плиткаларды жасыл аймаққа ұқыпсыз қойған мердігерлік ұйымға айыппұл салынды

офицерлер үйі, сурет - Zakon.kz жаңалық 10.07.2023 22:20

Сурет: wikimedia

Офицерлер үйін жөндеуге және плиткалардың алынып тасталғанына Алматы әкімдігінің ешқандай қатысы жоқ. Бұл туралы Медеу ауданының әкімі Еркебұлан Оразалин айтты, деп хабарлайды Zakon.kz.

"Мен 28 гвардиялық-панфиловшылар атындағы саябағының шығыс жағында орналасқан Офицерлер үйі ғимаратының алдындағы бөлшектелген плиткаларға қатысты әлеуметтік желілердегі видеоларға түсініктеме бергім келеді. Айта кетерлігі, Алматы әкімдігі бұл ғимараттың теңгерім ұстаушысы емес, ол Қорғаныс министрлігінің ведомстволық бағынысты ұйымының меншігінде. Тіпті, әкімдік жүріп жатқан жұмыстарға тапсырыс беруші де емес".Еркебұлан Оразалин

Оның айтуынша, жөндеу жұмыстары аяқталған соң плиткаларды қайта орындарына қою жоспарланған.

"Оның жасыл аймаққа ұқыпсыз қойылуына байланысты бүгін мердігерлік ұйымға әкімшілік айыппұл салынды. Енді оны жаяу жүргіншілер бөлігіне мұқият ауыстырып, алдағы күндері оны төсеуге кіріседі. Барлық алматылықтарға айтарым, мұндай бейнеүндеулерді жарияламас бұрын, жүріп жатқан жұмыстар туралы шынайы ақпарат алу үшін әкімдікке хабарласуды өтінемін".Еркебұлан Оразалин

Оқи отырыңыз