Жаңалықтар тізбегі
0

Петропавлда суға батып бара жатқан баланы аман алып қалған жасөспірім марапатталды

Төтенше жағдай, сурет - Zakon.kz жаңалық 11.07.2023 20:56 Сурет: ҚР ТЖМ баспасөз қызметі
"Назарбаев Зияткерлік мектептері" дербес білім беру ұйымында Петропавлдағы NIS оқушысы Аслан Гималетдиновті Төтенше жағдайлар министрі Сырым Шәріпханов "Суға батқандарды құтқарғаны үшін" медалімен марапаттады, деп хабарлайды Zakon.kz.

15 жасар Аслан батылдық танытып, Солтүстік Қазақстан облысында суға батып бара жатқан жасөспірімді ажалдан арашалап қалған болатын. 

"Асланға көрсеткен ерлігі мен батылдығы үшін алғыс айтқым келеді. Болашақта ТЖМ азаматтық қорғау органдарына осындай ержүрек балаларды күтеді. Жазда да, қыста да судағы қауіпсіздік ережелерін сақтау өте маңызды. Біздің министрлік әрқашан батырларға назар аударады, өйткені бұл адамдар негізінен құтқарушылар. Сонымен қатар, жыл басынан бері біздің бөлімшелерімізде 30 мыңға жуық бала жүзу дағдыларына оқытылғанын атап өткен жөн", – деп атап өтті министр.

NIS Басқарма төрағасы Әнуар Жанғозин мұғалімдер мен сыныптастарының Асланның батылдығын мақтан тұтатынын ерекше атап өтіп, "Қамқор жүрек" марапатын табыстады:

"Асланның ерлігі NIS құндылықтарын айқын көрсетеді. Білім мен тәрбиені ұштастырған "Қоғамға қызмет ету" жобасы аясында да шәкірттеріміз көмекке мұқтаж жандардың жанынан табылып жатады. Зияткерлік мектептер адамзат пен қоршаған ортаға қамқор бола алатын оқушыларды тәрбиелеуге әркез күш салады", – деді Әнуар Жанғозин.

NIS ұжымы Асланның ата-анасы Рустам мен Сандуғаш Гималетдиновтерге ержүрек азамат тәрбиелегені үшін ерекше алғыс білдірді.


"Қалада велосипедпен серуендеп жүргенде көмекке шақырған балалардың дауысын естіп, біреудің батып бара жатқанын түсіндім. Ойланбастан жүгіріп барып, суға сүңгіп, баланы жағаға алып шықтым", – дейді Аслан.

Аслан Гималетдинов – мектептегі белсенді балалардың бірі, өз ісіне жауапты, замандастырының арасында сыйлы. Ол тек білімімен ғана емес, музыка мен спорттағы жетістіктерімен көзге түсіп үлгерді. Домбырада шебер ойнайды, волейболмен айналысады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: