Жануарлар аптап ыстыққа қалай шыдайды? Алматы зообағы қызық видеоны бөлісті
Сурет: видео скрині
Борсық, ақ аю, жолбарыстар бассейнде шомылады, пілдер үшін арнайы сенсорлы душ орнатылған. Ал шимпанзелер балмұздақ жейді. Алматы зообағы жануарлар аптап ыстықта қалай жанын бағатынын айтты, деп хабарлайды Zakon.kz.
"Күн ыстық, қапырық...Көп адам зообақтағы жануарлар аптап ыстыққа қалай шыдайды деп сұрақ қояды. Біздегі жануарлардың барлығы қажетті сумен қамтамасыз етілген. Бірақ хауанаттар бағына келушілер жануарларға арналған су құятын ыдыстарды байқай бермейді. Мысалы, ягуар, леопард, пума, түлкі, қасқырларға берілетін сулар техникалық аймақта орналастырылған ыдыстарда болады. Ол жердегі суларды жиі ауыстырып тұруға қауіпсіз әрі ыңғайлы. Техникалық аймақтағы сулар таза әрі салқын болып тұрады. Сондықтан суларды біз негізінен үйшіктерге, көлеңкеге қоямыз. Су құйылған ыдыстар сырттағы қоршауда тұрса ысып, бұзылып кетеді. Борсық, ақ аю, жолбарыстар бассейінде шомылғанды жақсы көреді. Ал пілдер үшін арнайы сенсорлы душ орнатылған", - делінген хабарламада.
Алматы хайуанаттар бағына таңертеңгі уақытта және кешкі мезгілде келуге қолайлы. Зообақ таңғы 09.00-ден кешкі 20.00-ге дейін жұмыс істейді. Кассалар бір сағат бұрын жабылады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
