Алматылықтарға әл-Фараби даңғылындағы жол жүрісіне қатысты өзгерістер ескертілді

Сурет: Zakon.kz

Қауіпсіздік және кептеліс болдырмау мақсатында әл-Фараби даңғылында Желтоқсан (Батыс) көшесінен ҮААЖ-ға дейінгі бөліктегі реверсивті қозғалыс (бір жолдың қарама-қарсы қос бағытқа да өзгере беруі) 17 шілдеде сағат 07:00-ден 00:00-ге дейін күшінде болады, деп хабарлайды Zakon.kz.

Қала әкімдігінің баспасөз қызметі батыс және шығыс бағыттардағы көлік қозғалысына арналған жолақтардың санын қалыптасқан жол жағдайына байланысты патрульдік полиция қызметкерлері айқындайтынын нақтылайды.

"Әл-Фараби даңғылы бойымен шығыс бағыттағы (Батыс Желтоқсан көшесінен) көлік қозғалысы 18 шілдеде сағат 00:00-ден 07:00-ге дейін толығымен шектеледі", делінген хабарламада.

Бұған дейін Алматыда Әл-Фараби даңғылында жол жөндеу жұмыстары жүргізіліп жатқан учаскелерді автобустар қалай айналып өтетіні туралы хабарланған болатын.

Оқи отырыңыз