Қазақстанда 19 шілдеде теледидар мен радио өшіріледі

19 шілдеде Қазақстанда телеарналар мен радиостанциялар хабар таратуын уақытша тоқтатады, деп хабарлайды Zakon.kz.

"19 шілдеде сағат 03:00-ден 17:00-ге дейін спутниктік, цифрлық және аналогтық эфирлік желілердің телерадио хабарларын таратуын өшіру бойынша жоспарлы-профилактикалық жұмыстар жүргізіледі", - делінген хабарламада.

"Қазтелерадио" АҚ атап өткендей, үздіксіз және сапалы телерадио хабарларын таратуды қамтамасыз ету мақсатында спутниктік, цифрлық және аналогтық жерүсті желілерінің техникалық құралдары бойынша қызметтерді тоқтата отырып, тоқсан сайын жоспарлы профилактикалық жұмыстар жүргізілуде.