Адам саудасы: Қазақстандықтарды қай елдерге жиі ұрлап әкетеді

қазақстандықтарды қай елдерге саудалайды, сурет - Zakon.kz жаңалық 27.07.2023 12:29

Сурет: pixabay

Астанада өткен адам саудасына қарсы күрес конференциясында Қазақстан Республикасы Бас прокуратурасы жанындағы Құқық қорғау органдары академиясының қызметкері Руслан Жақсылықов қазақстандықтарды одан әрі қанауға көбінесе қай елдерге апаратынын айтып берді, деп хабарлайды Zakon.kz тілшісі.

Руслан Жақсылықов Қазақстанның ішкі істер органдары жыл сайын заңсыз адам саудасына қатысты 100-ден астам қылмыс тіркелетінін айтты.

"Талдауды біз ғана емес, халықаралық сарапшылар да жүргізді. Оның басты себебі - бұл қылмыстық бизнестің жоғары табыстылығы. Әңгіме адам саудасы туралы болып отыр. Қылмыстың бұл түрінің жылдық айналымы шамамен 150 миллиард долларды құрап отыр. Бұл қылмыстық бизнестің жоғары табыстылығы. Оның тағы бір себебі – халықтың кедейлігі. Негізінен азаматтарымыз жақсы өмір іздеп адам саудасының құрбанына айналады. Әлеуметтік желідегі жарнамалар арқылы олар сұхбатқа барады, жыныстық немесе еңбек қанаудың құрбанына айналады", - деп түсіндірді Руслан Жақсылықов.

Сондай-ақ спикер қай елдер қазақстандықтарды одан әрі қанау үшін жиі қабылдайтынын айтты.

"Қазақстан азаматтарын экспорттаудың негізгі арналары Бахрейн Корольдігі, Оңтүстік Корея және басқа да елдер болып табылады. Тек өткен жылдың өзінде адам саудасымен айналысқан, оның ішінде кәмелетке толмағандарды қоса алғанда, қылмысқа қатысы бар трансұлттық қылмыстық топтың 17 мүшесі сотталды. Бахрейндегі жыныстық қанаушылыққа кәмелеттік жасқа толмағандар көп ұшыраған", - деді ол.

31 мамырда Ішкі істер министрлігі Мәжіліске "Қазақстан Республикасындағы адам саудасына қарсы күрес туралы" заң жобасын енгізді. Құжат осындай қылмыстардың алдын алу тетіктерін жетілдіреді.

Оқи отырыңыз