Павлодар облысының әкімі соққыға жығылған жасөспірім оқиғасына қатысты пікір білдірді

Әлеуметтік желі, сурет - Zakon.kz жаңалық 01.08.2023 21:22

Сурет: Instagram/asaiyn.baikhan

Павлодар облысының әкімі Асайын Байханов жаппай төбелес кезінде соққыға жығылып, ауруханаға түскен 14 жасар баланың оқиғасына қатысты пікір білдірді, деп хабарлайды Zakon.kz.

Бұл туралы өңір әкімі әлеуметтік желідегі парақшасында жазды.

"Бүгін мен аппараттық жиналыстың жабық бөлігінде Павлодар қаласында оқушыны жабылып ұрып-соғу оқиғасы бойынша сұрақты қозғадым.Ата-ана ретінде мен бұған бей-жай қарай алмадым, сондықтан, полиция департаменті мен облыстың білім басқармасының басшылығына орын алған жағдайды тергеу барысымен мені хабардар етіп отыруды тапсырдым".Павлодар облысының әкімі Асайын Байханов

Әкім жиналыстан кейін күдіктілер мен зардап шеккен балалар оқитын мектептердің біріне барып, педагогтармен сөйлескенін, мемлекеттік органдарға зардап шеккен баланың отбасына жан-жақты көмек көрсетуді тапсырғанын да нақтылады.

"Мұндай фактілер біздің қоғамда үйреншікті жағдайға айналмауы керек. Ондай жағдайларды түбімен жою, балаларды мейірімділікке, адалдыққа және әділеттілікке тәрбиелеу – біздің басты міндетіміз". Павлодар облысының әкімі Асайын Байханов

Павлодарда 31 шілдеде жаппай төбелес кезінде зардап шеккен 14 жасар жасөспірім ауруханаға түскен болатын.

Оқи отырыңыз