Ақкенттегі өрттен 26 бала, екі жүкті әйел зардап шеккен – Денсаулық сақтау министрлігі

Ақкент, өрт, сурет - Zakon.kz жаңалық 01.08.2023 22:44

Сурет: видео скрині

Алматыдағы 16 қабатты тұрғын үйдегі ірі өрттің салдарынан 37 адам қаланың көпбейінді стационарларына жеткізілді, онда оларға қажетті медициналық көмек беріліп жатыр, деп хабарлайды Zakon.kz.

Зардап шеккендердің ішінде - 26 бала, 2 жүкті әйел, 6 адам жергілікті жерде медициналық көмек алды, төртеуі емдеуге жатқызудан бас тартты.

"Өрт орнына жедел медициналық жәрдем қызметінің 23 бригадасы, оның ішінде 5 мамандандырылған (дәрігерлік бригада), 18 фельдшерлік бригада жіберілді. Қазіргі уақытта балалар ауруханасының реанимациясында 4 пациент бар". Денсаулық сақтау министрлігінің баспасөз қызметі

Қазіргі уақытта өрт толығымен сөндірілді. Оқиға орнында бір жедел медициналық жәрдем бригадасы кезекшілік етіп тұр.

Еске салайық, 1 тамызда Алматыда Ақкент ықшам ауданында көпқабатты үйлердің бірі өртенді. Бас сауғалаған адамдар терезеден секірді. Өрт орнынан түсірілген видеолар әлеуметтік желілерде тарады. 300 адам эвакуацияланып, 70-ке жуық адам құтқарылды.

Сағат 18:46-да өрт сөндірілді. Қаза тапқандар жоқ.

Оқи отырыңыз