Түркістан облысында екі күн бұрын жоғалған қыз табылды

Түркістан облысында екі күн бұрын жоғалған қызды полицейлер тәулік ішінде тапты, деп хабарлайды Zakon.kz polisia.kz-ке сілтеме жасап.

11 тамыз күні Түркістан облысы Мақтаарал ауданы полициясына жергілікті тұрғын арызданған.

Әйелдің айтуынша, 9 тамыз күні "автобекетте тұрмын" деп хабарласқан 19 жастағы қызы үйіне  оралмаған.

Полицейлер бірден оқиға орнына жеткен.

19 жастағы қыз бір тәулікке жетпей, Шымкенттен табылды. Полицейлер оны ата-анасына тапсырды.

Ол қыдырмақ болып, ешкімге айтпастан қалаға жол тартқан. Ал отбасымен ұялы телефоны бұзылып қалғандықтан хабарласа алмаған.