Ақмола облысында танысын пышақтаған күдікті қолға түсті

Ақмола облысында танысын пышақтаған күдікті қолға түсті, - деп хабарлайды Zakon.kz polisia.kz-ке сілтеме жасап.

15 тамызда Қосшы қаласының полиция бөліміне жедел медициналық жәрдем станциясының диспетчерінен қалалық ауруханаға "Сол жақтағы бел аймағының жұмсақ тіндеріне енбейтін тесілген-кесілген жара" диагнозымен ер адамның жеткізілгені туралы хабар түскен.

Ауруханаға түскенге дейін жәбірленуші таныстарымен бірге алкоголь ішкені анықталды. Олардың бірімен жанжалдасып, салдарынан танысы жәбірленушіге пышақ жарақатын салған.

Осы фактіге қатысты ҚР Қылмыстық кодексінің 106-бабы 1-бөлігі ("Денсаулыққа қасақана ауыр зиян келтіру") бойынша сотқа дейінгі тергеу басталды. Полиция қызметкерлері жәбірленушіге зиян келтірген адамды ұстады.

Тиісті сараптамалар тағайындалды. Қазіргі уақытта сотқа дейінгі жедел іс-шаралар жүргізіліп жатыр.