Талдықорғандық жігіт зейнеткерге пышақ ала жүгірген

полиция, сурет - Zakon.kz жаңалық 22.08.2023 22:19

Сурет: polisia.kz

Талдықорған полицейлері зейнеткерді пышақтады деген күдікпен 28 жастағы жігітті ұстап, қамауға алды, деп хабарлайды Zakon.kz polisia.kz-ке сілтеме жасап.

21 тамызда 64 жастағы ер адам көпсалалы қалалық ауруханаға пышақ жарақатымен түскен. Жәбірленуші масаңдау халде болған. Жедел-іздестіру іс-шараларының барысында қалалық полицияның жедел уәкілдері пышақ ала жүгірген күдіктіні анықтап, ұстады.

"Күдікті 28 жастағы ер адам болып шықты, ол өтіп бара жатқан адаммен ұрыс-керіс бастап, ерегістің соңы төбелеске ұласып, тіпті пышақтауға дейін барған. Яғни, екеуі бірін-бірі танымайды, тек бірі екіншісіне ескерту ғана жасаған". Талдықорған полиция басқармасы

Күдікті ұсталып, уақытша ұстау изоляторына қамалды. Аталған факті бойынша ҚР Қылмыстық кодексінің 293-бабына ("Бұзақылық") сәйкес тергеу амалдары жүргізіліп жатыр. Пышақ тәркіленіп, қылмыстық іс материалдарына тіркелді.

Оқи отырыңыз