Екібастұзда теміржол бойында күкірт қышқылы төгілді
Сурет: Павлодар облыстық ТЖД
Екібастұзда теміржол бойында күкірт қышқылы төгілді, тасымалданып келе жатқан күкірттің жалпы көлемі 78 тоннадан асады, деп хабарлайды Zakon.kz pavlodarnews.kz-ке сілтеме жасап.
Облыстық төтенше жағдайлар департаментінің баспасөз қызметінің мәлімдеуінше, бүгін, яғни 28 тамыз күні сағат 16:40-та әскерилендірілген теміржол күзетінің кезекшісінен Екібастұз қаласы, Екібастұз-2 станциясы, № 6 жол цистернадан күкірт қышқылының ағып жатқаны туралы хабарлама келіп түсті. Тасымалданатын күкірт қышқылының жалпы көлемі - 78,3 тонна яғни 2 вагон.
"Оқиға болған жерді полиция басқармасының, әскерилендірілген теміржол күзетінің қызметкерлері қоршауға алды. Сол жерде ЖАО, ТЖД, ҰҚК, прокуратура, ПЮ, СЭД қызметкерлері мен тасымалдаушы өкілдерінен тұратын жедел штаб құрылды", - делінген хабарламада.
Сурет: Павлодар облыстық ТЖД
Қазіргі уақытта қышқыл төгілген жерге құм және әк себіліп жатыр. Бұдан бөлек, ҚТЖ-ға 300 келі әк жеткізілді.
"Қосымша Үшқұлын станциясынан 5 тонна әк жеткізу жоспарланып отыр. Қазірдің өзінде Үшқұлын станциясынан транзиттік поезбен күкірт қышқылын жою үшін сыйымдылығы 65 тонна болатын екі қышқыл цистернасын жеткізу ұйымдастырылды. Сағат 21.00-дегі жағдай бойынша цистерналар жолда", - деп толықтырды департамент.
Қышқылды басқа резервуарларға құю бойынша жұмыстарды жүргізбес бұрын ТЖД құтқарушылары күкірт ағып кеткен жерге таңғыш салу жұмыстарын жүргізіп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
