"Жүрек тұсына оқ тиген". Әйелді баласымен ажалдан құтқарған офицердің заттары ІІМ мұражайына қойылды

полиция, сурет - Zakon.kz жаңалық 30.08.2023 12:11

Сурет: polisia.kz

Әйелді баласымен ажалдан құтқарған офицердің заттары ІІМ мұражайына қойылды, деп хабарлайды Zakon.kz polisia.kz-ке сілтеме жасап.

Қалқаман Сембаев - 40 жылдан астам уақыт бұрын қызмет бабында қаза тапқан милиция лейтенанты.

Ол Целиноград облысы ІІБ Атбасар ауданының ішкі істер бөлімінің учаскелік полиция инспекторы болып жұмыс істеді. Офицер 1982 жылы 22 қыркүйекте әйел мен баланы мылтықпен қаруланған ер адамнан құтқарамын деп, көз жұмды. Оның жүрек тұсына оқ тиген.

полиция, сурет - Zakon.kz жаңалық 30.08.2023 12:11

Сурет: polisia.kz

Қаза тапқан полицейдің әйелі Екатерина Сембаева Ішкі істер министрлігінің музейіне құнды жәдігер – оқ ізі қалған китель, бас киім, әріптестерінің әсерлі хатын, ескі фотосуреттерін, Алматы милиция мектебін бітіргені туралы дипломын тапсырды.

Полиция қызметкерлері Екатерина Сембаеваның әңгімесін ерекше ықыласпен тыңдады.

Шараға марқұм полицейдің қызы Армангүл Сембаева, немерелері Арлан мен Нұржамал қатысты. Әкесінің даңқты жолын жалғастыра отырып, қызы бүгінде көліктегі полиция департаментінде қызмет етіп келеді.

Оқи отырыңыз