Алматы полицейлері енді самокат мініп жұмыс істей алады
Сурет: Zakon.kz
КТК телеарнасының хабарлауынша, полицейлерге ереже бұзған самокатшыларды қуып жету жеңіл болуы үшін осындай тәсіл енгізуді жоспарлап отыр.
"Жаңашылдық тек сынақ режимінде және бір аймақта ғана енгізілді. Бірақ жақын арада осындай бірнеше мобильді топ пайда болып, олар қаланың барлық саябағы мен алаңын күзете алады", - делінген мақалада.
Автокөлік жүргізушілері самокат мен мопедтердің көбі жол қозғалысы ережелерін мүлде сақтамайтындығына шағымданады: олар тоқтау сызығынан тыс жүреді, қате басып озады, жолды кесіп алады, сол жақ жолақтан оңға және керісінше бұрылады.
Жаяу жүргіншілер де екі доңғалақты көліктердің жаяу жүргіншілер жолымен қауіпсіз жүру мүмкін еместігіне наразы.
Алматы қалалық Полиция департаментінің ресми өкілі Салтанат Әзірбектің айтуынша, кейде самокат жүргізушілері жаяу жүргіншілер жолының бойында қуудан қашуға тырысады.
"Әрине, полиция көлігі тротуарға секірмейді. Кейбір жағдайда, әрине, инфрақұрылым мүмкіндік берсе, жағдай мүмкіндік берсе, полиция жаяу қуып жетеді. Бірақ біз дәл осыны ойлаймыз. Саябақ аймақтарында тәртіпті сақтау үшін жаяу патрульдік полиция қызметкерлеріне самокат берілуі мүмкін", - деді ол.
Алматы полиция департаментінің мәліметінше, жыл басынан бері оңтүстік астанада самокатпен 7 мыңға жуық заңбұзу тіркелген. Бірақ бұрын олар басқа жол қозғалысына қатысушылар сияқты жазаланса, енді қарапайым жүргізушілер сияқты жазаланады. 30 тамыздан бері 78 самокат әуесқойына айыппұл салынды.
Сегіз айда қалада самокатқа қатысты 18 жол-көлік оқиғасы тіркелді. Бір жәбірленуші қаза тауып, 17 адам жарақат алды. Мопедшілердің жағдайы әлдеқайда нашар: 223 жол-көлік оқиғасы, екеуі қайтыс болды және 240 жарақат алды.
Бұған дейін хабарлағанымыздай, ҚР Ішкі істер министрінің 2023 жылғы 31 тамыздағы бұйрығымен Жол қозғалысы ережелеріне электрсамокаттар мен мопедтерді мінуге қатысты өзгерістер мен толықтырулар енгізілген. Осылайша, елде электрсамокат пен мопедтерге қойылатын талап күшейіп, жол қозғалысы ережелері жаңартылды.
