Балаға арналған Kaspi Gold-ты қамқоршылары да аша алады

Сурет: Kaspi.kz

Қорғаншылар мен қамқоршылар өз қамқорлығындағы балаға Kaspi Gold аша алады.

Бұрын балаға Kaspi Gold-ты тек анасы немесе әкесі аша алатын. Енді Kaspi.kz Білім министрлігімен, Цифрландыру министрлігімен және "ҰАТ" АҚ-мен бірлесіп, бұл қызметті қорғаншылар мен қамқоршыларға да қолжетімді жасады.

"Біз қазір балаға арналған Kaspi Gold-ты қамқорлығындағы балаларға үшін қамқоршылар да аша алатынын қуана хабарлаймыз. Қазақстан Республикасы Білім министрлігімен, Цифрландыру министрлігімен және "ҰАТ" АҚ-мен бірлесе отырып, біздің команда тез арада осындай онлайн сервисті құрды. Балаға арналған Kaspi Gold арқылы сіз балаларға қажетті шығындар үшін ақша аударып, қаржылық сауаттылық негіздерін үйрете аласыз. Біздің сүйікті клиенттерімізге бізбен бірге болғандары үшін рахмет!" Kaspi.kz басшысы және негізін қалаушы Михаил Ломтадзе

Қазақстан Республикасы Білім министрлігі мемлекеттік қызметтерді электронды және проактивті форматқа көшіру бойынша жұмысты жалғастыруда.

"Kaspi.kz-пен бірге біз қорғаншылар мен қамқоршыларға қосымша қағаз сертификаттарын бермей-ақ балаларға Kaspi Gold картасын ашуға мүмкіндік беретін сервисті іске қостық. Қызметтердің онлайн қолжетімділігі оларды алуды жеңілдетеді және азаматтар мен қызмет көрсетушілер арасындағы байланысты болдырмайды". ҚР Оқу-ағарту вице-министрі Айбат Ілиясов

Ұлттық ақпараттық технологиялар" АҚ басқарма төрағасы Ростислав Коняшкин екі жыл бұрын ҚР Цифрлық даму министрлігінің бастамасымен мемлекеттік қызметтерді сыртқы платформаларға, соның ішінде банктік қосымшаларға енгізуді бастағанын айтты.

"Бүгінде біз кейбір қызметтердің eGov-қа қарағанда танымал екенін көреміз. Ақпараттық жүйелерді біріктірудің арқасында Kaspi.kz қосымшасындағы қызметтердің саны артып келеді, енді қамқоршы балаға банк картасын ашуға мүмкіндік туды, сол арқылы біз бизнесті дамытуға және азаматтардың тұрмысын жақсартуға мүмкіндік береміз". "Ұлттық ақпараттық технологиялар" АҚ басқарма төрағасы Ростислав Коняшкин

Оқи отырыңыз