СҚО полицейлері синтетикалық есірткінің аса ірі партиясын жеткізудің жолын кесті
![Есірткі саудасымен айналысқан адамдар ұсталды, сурет - Zakon.kz жаңалық 19.09.2023 16:43](https://kaz.zakon.kz/pbi/WEBP/2023-12-20/file-f65f9cd5-1d05-45c8-a22b-4a9959b8eaf4/800x450.webp)
Тамыз айында солтүстікқазақстандық полицейлер астаналық әріптестерімен бірлесіп, Петропавл қаласына кіреберістегі "Оңтүстік" бақылау пунктінде Toyota Alphard автокөлігін тоқтатты.
Ішінде отырған 52 жастағы жолаушыдан сарғыш түсті кесектелген зат салынған 3 полимерлік түйіншек және бөлшектеп өлшеуге арналған құрал-жабдықтар, дәлірек айтқанда таразы мен буып-түю материалы тәркіленді.
Сараптама нәтижесі тәркіленген заттың аса ірі мөлшердегі α-PvP синтетикалық есірткісі екенін көрсетті, салмағы – 624 грамм.
"Бұл партия екі мыңға жуық адамды нашақорлыққа тартуға жеткілікті. Күдікті есірткі таратумен айналысатын интернет-дүкендердің бірінде бөлшектеп-өлшеуші болып жұмыс істеген. Аталған факті ҚР Қылмыстық кодексінің 297-бабының 3-бөлігі бойынша Сотқа дейінгі тергеп-тексерулердің бірыңғай тізілімінде тіркелді. Баптың санкциясы 15 жылға дейін бас бостандығынан айыру жазасын көздейді," – деп түсіндірді СҚО ПД ЕҚҚІҚБ бастығы Иван Терзиди.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript