Сенатор медицина қызметкерлеріне бөлек тұрғын үй бағдарламасын әзірлеуді ұсынды
Сурет: primeminister.kz
Сенат депутаты Бибігүл Жексенбай 21 қыркүйекте палатаның жалпы отырысында дәрігерлерді баспанамен қамтамасыз етудің жеке бағдарламасын әзірлеуді ұсынды, деп хабарлайды Zakon.kz тілшісі.
Бибігүл Жексенбай премьер-министр Әлихан Смайыловқа жолдаған сауалында медицина қызметкерлерінің түйткілді мәселелеріне тоқталды.
"Медицина қызметкерлерінің іс жүзінде 40 пайызынан адамының басында өз баспанасы жоқ. Сол себептен көбі жалдамалы пәтерлерде тұрады. Халықты қолжетімді тұрғын үймен қамтамасыз етуге бағытталған мемлекеттік бағдарламалар бойынша әскери қызметкерлер және басқа да әлеуметтік жағынан әлсіз топ өкілдеріне баспана алу мүмкіндігі бар, бірақ медицина қызметкерлеріне арналған жеңілдетілген несиемен үй алуға мүмкіндік беретін бірде бір қолжетімді бағдармала жоқ. Медицина қызметкерлері деген санатқа кіретіндерге бөлек тұрғын үй бағдарламасы несие жеңілдетілген несие беру туралы бағдарлама қабылдау мәселесін қарастыруды сұраймын", – деді сенатор.
Бұған қоса сенатор үкіметке мұғалімдердің еңбек демалысының ұзақтығын мысалға ала отырып, медицина қызметкерлерінің демалыс күндерін көбейтуді ұсынды. Қазіргі уақытта емханадағы медицина қызметкерлерінің жыл сайынғы еңбек демалысы еңбек жағдайына байланысты 36-дан 42 күнтізбелік күнге дейін созылады, сенатор бұл мерзімді ұлғайту қажет деп санайды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
