Қазақстанда атом электр станциясының қандай нұсқалары қарастырылуда
Сурет: unsplash
4 қазанда XV Еуразиялық энергетикалық форумда атом электр станциясының құрылысына қатысты сұрақтарға жауап берген Энергетика министрі Алмасадам Сәтқалиев бірнеше нұсқа қарастырылып жатқанын атап өтті.
"Қазіргі уақытта АЭС құрылысы үшін әлеуетті жеткізушілерді (арнайы жабдықты жеткізетін компаниялар – ред.) іріктеудің алдын ала кезеңі жүріп жатыр. Қазірдің өзінде төрт қатысушының тізімі ресми түрде қалыптастырылды. Олар Франция, Қытай, Ресей Федерациясы мен Корея. Бұл тізімге қосымша Энергетика министрлігі біздің американдық әріптестеріміздің шағын модульдік реакторларды салу жөніндегі екі ұсынысын қарастыруда". Алмасадам Сатқалиев
Бұл ретте министр мемлекет басшысының мәлімдемесіне сәйкес Қазақстанда атом электр станциясын салу мәселесі бойынша түпкілікті шешім қабылдау үшін жалпыхалықтық референдум өтетінін баса айтты. Атом электр стансасы мәселесі бойынша кейінгі барлық шешімдер референдум нәтижесіне қарай қабылданады.
26 қыркүйекте ҚР Энергетика министрлігінің басшысы Венада өткен МАГАТЭ-нің жыл сайынғы конференциясына қатысып, наурызда Агенттіктің миссиясы еліміздің атом электр станцияларын салуға дайындығын бағалау үшін Қазақстанға келгенін еске салды.
Қазақстанда атом электр стансасын салу мүмкіндігі туралы маңызды сұрақтарға жауаптарды осы жерден табуға болады.
