Алматы қалалық әкімдігі көптің ашуын туғызған желідегі видеоға қатысты түсінік берді
Сурет: pixabay
Бүлінген асфальт үстіне салынған жол белгісі алматылықтардың ашуын туғызды. Қала әкімдігі Zakon.kz тілшісіне аталған жағдайға байланысты түсінік берді.
Әлеуметтік желіде жол жөндеу жұмысшыларының "туындысы" жарияланды.
"Қараңыздаршы. Менің сөзім жоқ. Бояудың сыры кеппеген, жаңа ғана жағылған, бүлінген учаскенің үстіне жаға салған", - дейді видео авторы.
Қала әкімдігі аталған видеомен танысқандарын, №153 мектеп-гимназиясы жанында қалалық мобильділік басқармасы жол-жөндеу жұмыстарын жүргізбегенін атап өтті.
"Бұл мекен-жай бойынша Наурызбай ауданының әкімдігі жол шұңқырларын жамау жұмыстарын жүргізген, бірақ ол толықтай аяқталмаған. Яғни, құрылыс материалдарының қалдықтары алынбаған, сондықтан жол таңбалау көлігі ол арадан жүріп өткенде аталған жағдай орын алған".
Сондай-ақ, әлеуметтік желіде жарияланған олқылықтың 2023 жылдың 7 қазанында таңертең жойылғаны да нақтыланады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
