Алматы облысында "Салбурын" құсбегілер сайысы мәресіне жетті
Сурет: pixabay
Бекзада өнердің бәсін жоғарыдан таныту үшін сайысқа Қазақстанның 14 өңірінен 56 спортшы және Түркия, Моңғолия, Қытай, Португалия, Қырғызстан елдерінен саятшылар жиналды.
Сурет: Нұртөре Жұмағұл
Жарыс екі кезеңнен тұрды. Алғашқыда құстың сыны, құсбегінің киім үлгісі сыналып, қырандарды еркін ұшырып, шырғаға қондырса, финалдық кезеңде құстарды қоян мен түлкіге салды.
Нәтижесінде, Жамбыл облысының тумасы Бабажан Берікболсынның "Қоймас" атты қаршығасы 1-ші орынды иеленіп, қанжығаны майлады.
Ал, бүркітшілер арасында елорда тұрғыны Күнтуған Серікбектің асығы алшысынан түсіп, "Алғыр" атты бүркіті бірінші орынды иеленді.
Сурет: Нұртөре Жұмағұл
Расы керек, тәуелсіздік алғалы құсбегіліктің тамырына қан жүгірді. Қазақ халқының тектілігін, жігіттерінің серілігі мен жүректілігін танытатын бұл өнер аса білгірлік пен мықтылық, қырандай қырағылықты талап етеді. Сондықтанда алаш елінің асыл дәстүрін, мәдениетін дамытуда бұл өнердің тұғыры биік.
