Республика күні қарсаңында Жамбыл облысында мәдениет үйі ел игілігіне берілді

Мәдениет үйі ашылды, сурет - Zakon.kz жаңалық 20.10.2023 12:59

Сурет: Жамбыл облысы әкімінің баспасөз қызметі

Республика күні ұлттық мерекесі қарсаңында 20 қазанда Т.Рысқұлов ауданының Көгершін ауылында мәдениет үйі пайдалануға берілді, деп хабарлайды Zakon.kz.

Бұрынғы жылдары Көгершін ауылының мәдениет үйі аудандағы ең көрікті ғимараттың бірі болып саналатын.

Алайда, тоқырау жылдарында мәдениет ошағы қараусыз қалып, әбден тозығы жетті. Ауыл тұрғындары бұл мәселені кез келген жиында мәселе етіп көтеретін. Міне, сол мәселе биыл оң шешімін тапқан.

Сурет: Жамбыл облысы әкімінің баспасөз қызметі

Бүгінде Көгершін ауылында аумағы 217,13 шаршы метрді құрайтын 120 орындықты жаңа мәдениет үйінің құрылысы аяқталып, жаңа ғимарат бой көтерді.

Республика күні ұлттық мерекесі қарсаңында 20 қазанда Т.Рысқұлов ауданының Көгершін ауылында мәдениет үйі пайдалануға берілді, сурет - Zakon.kz жаңалық 20.10.2023 12:59

Сурет: Жетісу облысы әкімінің баспасөз қызметі

Мереке қарсаңында жаңа мәдениет нысанының ашылу рәсімі ұйымдастырылып, халық игілігіне пайдалануға берілді. Бұл жағымды жаңалыққа көгершіндіктер дән риза.