Ақтауда автобус аялдамасында әйнек есікті сындырған жасөспірімді полицейлер іздестіріп жатыр

Ақтаудағы Мұнайлы ауданында түнде жасөспірім қоғамдық көлік аялдамасында әйнек есікті сындырды, деп хабарлайды Zakon.kz.

"Лада"-ның хабарлауынша, жігіт жүгіріп келе жатып есікті теуіп, қашып кеткен. Оның қасындағы болған жолдасы мұны видеоға түсіріп алған. Видео екі күн бұрын түсірілген болуы мүмкін.

Облыстық полиция департаменті құқық қорғау органдарының қызметкерлері кәмелетке толмаған бұзақылардың жеке басын анықтап жатқанын хабарлады. Бейнебақылау камералары тексеріліп жатыр.