Талдықорғанда екі жасөспірім ойын автоматын бұзып, тонап кеткен

Талдықорған полицейлері қала орталығында орналасқан ойын автоматты бұзып, ішіндегі сыйлықтарды ұрлап кеткен екі тұрғынды ұстады, деп хабарлайды Zakon.kz polisia.kz-ке сілтеме жасап.

Олардың бұл әрекеті бейнебақылау камерасына түсіп қалған.

Жедел-іздестіру іс-шаралары барысында екеуі де ұсталып, қалалық полицияға жеткізілді.

"Күдікті ретінде 19 және 16 жастағы екі азамат ұсталды. Ойын автоматынан электронды темекі (вейп), зарядтағыш және ұялы телефонға арналған екі құлаққап ұрланғаны анықталды. Іс бойынша тергеу ҚР Қылмыстық кодексінің 188-бабына ("Ұрлық") сәйкес жүргізіліп жатыр".Талдықорған полиция басқармасы