Жезқазғанда салмағы алты келі болатын батыр қыз дүниеге келді

Жезқазған перинаталдық орталығында салмағы 6 келідей болатын қыз бала дүниеге келді, деп хабарлайды Zakon.kz.

"Хабар 24" арнасына сұхбат берген мамандар қазір салмағы ірі сәбилер жиі кездесетінін айтты.

Сондай-ақ облыста соңғы бірнеше жылда бала туу көрсеткіші артқан. Жыл басынан бері өңірде 2815 сәби дүниеге келген.

"Біздің перзентханада туу көрсеткіші жыл сайын өсіп келеді. Дәрігерлер жүкті әйелдер мен босанатын әйелдерге шұғыл және жоспарлы көмек көрсетеді. 9 айда ана өлімі тіркелген жоқ, нәресте өлімін азайтып жатырмыз".Жезқазған облыстық көпсалалы ауруханасының акушерлік бөлімшесінің меңгерушісі Ғайнура Әбішева