Қостанай облысында қалың тұманға байланысты екі тас жолда ішінара шектеу енгізілді

Тұман, Қостанай облысы, Қостанай-Әулиекөл-Сұраған, Екатеринбург-Алматы, сурет - Zakon.kz жаңалық 18.11.2023 16:27

Сурет: pixabay

18 қарашада Қостанай облысында қатты тұман мен жол бойындағы көрінудің шектелуіне байланысты М - 36 - "Екатеринбург-Алматы" күре жолының Тобыл қаласынан Сарыкөл ауылына дейінгі аралығында жүк және қоғамдық көліктердің қозғалысына шектеу енгізілді, деп хабарлайды Zakon.kz.

Бұл туралы "Қазавтожол" ұлттық компаниясының баспасөз қызметі мәлімдеді.

Сондай-ақ Қостанай облысында сағат 16:40-тан бастап жол бойындағы көрінудің шектелуі мен қатты желге байланысты "Қостанай-Әулиекөл-Сұрған" автожолының Әулиекөл ауылынан Октябрь ауылына дейінгі аралығында жүк және қоғамдық көліктердің қозғалысына шектеу енгізілетіні нақтыланады.

Айта кетсек, 18 қарашада синоптиктер 15 өңірде дауылды ескерту жариялаған болатын. Еліміздің басым бөлігінде ауа температурасы күрт төмендеп, қар аралас жаңбыр жауатыны, тұман болатынын хабарланған.

Оқи отырыңыз