Таразда автобуста телефон ұрлаған күдікті "ізін суытпай" қолға түсті

14 қарашада Тараз қаласы ПБ 1-полиция бөліміне жергілікті тұрғын шағымданды.

Ер адам күндізгі 13:40 шамасында маршруттық автобуста болған кезде, құны 600 мың теңге болатын IPhone телефонын қалтасынан бiреудiң ұрлап кеткендiгi туралы арызданды.

Осы дерекке қатысты ҚР ҚК-нің 188-бабы 1-бөлігі (Ұрлық) бойынша сотқа дейінгі тергеу амалдары басталды.

Полиция қызметкерлерімен жүргізілген жедел-іздестіру іс-шараларының нәтижесінде Тараз қаласының 30 жастағы тұрғыны анықталып, ұсталды.

Ер адам өз кінәсін толық мойындады. Қазіргі уақытта сотқа дейінгі тергеу амалдары жүргізіліп жатыр.