Ақмола облысында көктайғақтан көлік қозғалысы қиындаған
Сурет: pixabay
Ақмола облысында көктайғақтан 2 мыңнан аса көлік жолда қалған. Қозғалыс қиындағандықтан жол сақшылары арнайы колоналар жасақтап, көліктерді діттеген жеріне жеткізді.
Облыста қатты жел мен көктайғақтың кесірінен бірнеше бағыттағы жолдар жабылған еді, деп жазады qazaqstan.tv.
Қазір барлық бағыттағы жолдар ашылды. Дегенмен, аймақта әлі қар жауып тұр. Кеше күн жылынып, жаңбыр жауғандықтан жолдар көктайғаққа айналған.
Жел де күшейіп тұр. Мамандар қазір жағдайды бақылауда ұстап отырмыз,-дейді.
Айта кетейік, осыдан екі күн бұрын аймақта бірнеше бағыттағы жолдар жабылған еді.
Облыс аумағындағы барлық автокөлік жолдарында 44 патрулдік полиция экипажы, оның ішінде 88 қызметкер кезекшілік етті.
Дегенмен, соған қарамастан бір күнде 8 жол-көлік оқиғасы тіркелген. Абырой болғанда, зардап шеккендер жоқ.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
