Ақмола облысында көктайғаққа байланысты тас жолдың бір бөлігі жабылды

Көктайғақ, Астана, тас жол, Екатеринбург-Алматы, сурет - Zakon.kz жаңалық 24.11.2023 20:14

Сурет: ҚР ТЖМ

Ақмола облысында ауа райының нашарлауына байланысты республикалық тас жолда көлік қозғалысы шектелді, деп хабарлайды Zakon.kz.

Ақмола облысы ТЖД мәліметінше, 24 қарашада сағат 19:30-дан бастап ауа райының нашарлауына байланысты (жаңбырдан кейін күн суытып, көктайғақ болады) көлік құралдарының барлық түрлері үшін қозғалысқа тыйым салынды, тас жол жабық.

Атап айтқанда, бұл арада "Екатеринбург-Алматы" республикалық маңызы бар тас жолының 1292-1353 шақырым аралығындағы (Жібек Жолы ауылы – Қарағанды облысының шекарасы) учаскелері туралы сөз болып отыр.

Бұған дейін еліміздің белгілі бір өңірлерінде 25-27 қарашада жаңбыр жауып, боран соғып, күн күрт суытатыны хабарланған болатын. "Қазгидромет" РМК мәліметтері бойынша, еліміздің батысы мен солтүстігінде қарлы боранды тудыратын Атлантикалық циклон біртіндеп солтүстік-шығысқа қарай жылжиды.

Оқи отырыңыз