Қызылшаға қарсы екпе ерекше балаларға да салынады
![Қызылшаға қарсы екпе ерекше балаларға да салынады, сурет - Zakon.kz жаңалық 29.11.2023 09:51](https://kaz.zakon.kz/pbi/WEBP/2023-11-29/file-a855a56b-e98c-4439-9b47-65ceab7cb8c2/800x450.webp)
Қызылшамен ауырып жазылған үлкен де, кіші де оны қайтадан жұқтырмайды деген қате түсінік. Осылай деген дәрігерлер екпе салдыруға шақырады.
Осы айда 5 мыңнан астам балаға вакцина салынса, оның дені 6 айлық сәбилер, деп жазады qazaqstan.tv.
Айтпақшы, жаппай иммундау кезеңі дәл осы 6 айлық балалардан басталады.
"Мысалы, жоспарлы түрде бір жастан алынатын болса енді, бір жасқа дейінгі балалар да ауырып жатыр ғой сол үшін балалар ауырмауы үшін жаңа туған нәрсетелерді 6 айдан бастап егіп жатырмыз. Қызылшаға қарсы вакцина алған кезде жүріп-тұруы немесе мүмкіндігі шектеулі балалар немесе аутизммен ауыратын балалар деп бөлмейміз." Жасұлан Алпысбаев, ҚР ДСМ санитариялық-эпидемиологиялық бақылау комитетінің басқарма басшысы
Мамандар, қызылшаның алғашқы белгісі дене қызуының көтерілуі екенін айтып жүр. Бірақ, ата-ананың көбі мұны суық тиюмен шатастырып жатады дейді. Өйткені, бұл инфекция алдымен 4 күн температура беріп, содан кейін бөртпе түрінде шығады. Сондықтан, ыстығы көтерілген баланы бала-бақша мен мектепке жібермей, бірден жедел-жәрдем шақыртуға кеңес береді. Айтпақшы, жасы 18-ге толған азаматтар да, емханадан қызылшаға қарсы екпе салдыра алады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript