Астана, Алматы және Шымкент қалаларының алдағы үш күнге арналған күн райы болжамы жарияланды

Астана, Алматы, Шымкент, ауа райы болжамы, сурет - Zakon.kz жаңалық 01.12.2023 16:53

Сурет: pixabay

Алдағы үш күнде – 2023 жылғы 2 желтоқсан мен 4 желтоқсан аралығында Астана, Алматы және Шымкентте күн райы қандай болады? Бұл сұраққа "Қазгидромет" РМК мамандары жауап берді, деп хабарлайды Zakon.kz.

Болжам бойынша, елордада жауын-шашын болады, ал еліміздің екі мегаполисінде күн жауын-шашынсыз болады, бірақ тұман түседі.

Астанада:

2 желтоқсан – көшпелі бұлтты, түнде қар жауады, күндіз жауын-шашын (жаңбыр, қар), қар жауады. Жолдарда көктайғақ болады. Түнде және таңертең тұман түседі. Оңтүстік-батыстан 9-14 м/с жел соғады. Ауа температурасы түнде -5-7°C, күндіз 0°C шамасында;

3 желтоқсан – бұлтты, өткінші жауын-шашын (жаңбыр, қар), көктайғақ, бұрқасын болжанды. Оңтүстік-батыстан соғатын желдің күші 9-14, екпіні 15-20, кей уақытта 23-25 м/с болады. Түнде және күндіз ауа температурасы шамамен 0°C;

4 желтоқсан – көшпелі бұлтты, жауын-шашынсыз. Солтүстік-батыстан 9-14 м/с жел соғады. Ауа температурасы түнде -10-12°С, күндіз -7-9°С.

Алматыда:

2 желтоқсан – көшпелі бұлтты, жауын-шашынсыз. Түнде және таңертең тұман болады. Солтүстік-шығыстан 2-7 м/с жел соғады. Ауа температурасы түнде шамамен 0°C, күндіз +8+10°C;

3 желтоқсан – көшпелі бұлтты, жауын-шашынсыз. Түнде және таңертең тұман болады. Оңтүстік-шығыстан 2-7 м/с жел соғады. Ауа температурасы түнде +1+3°С, күндіз +12+14°С;

4 желтоқсан – көшпелі бұлт шығады, кей жерлерде жаңбыр жауады, тұман түседі. Оңтүстік-батыстан 2-7 м/с жел соғады. Ауа температурасы түнде +2+4°С, күндіз +9+11°С.

Шымкентте:

2 желтоқсан – көшпелі бұлтты, жауын-шашынсыз. Түнде және таңертең тұман болады. Оңтүстік-шығыстан соғатын жел оңтүстік-батысқа ауысады, екпіні 3-8 м/с. Ауа температурасы түнде +1+3°С, күндіз +13+15°С;

3 желтоқсан – көшпелі бұлтты, жауын-шашынсыз. Түнде және таңертең тұман болады. Оңтүстік-батыстан 5-10 м/с жел соғады. Ауа температурасы түнде +1+3°С, күндіз +13+15°С;

4 желтоқсан – көшпелі бұлтты, жауын-шашынсыз. Түнде және таңертең тұман болады. Оңтүстік-батыстан 5-10 м/с жел соғады. Ауа температурасы түнде +1+3°С, күндіз +11+13°С.

Оқи отырыңыз