Ақтөбе облысында әскери қызметкер әріптесін атып тастады: тергеу басталды
![Ақтөбе облысында әскери қызметкер әріптесін атып тастады, тергеу басталды, сурет - Zakon.kz жаңалық 04.12.2023 16:10](https://kaz.zakon.kz/pbi/WEBP/2023-12-04/file-19edf9cc-aee3-42eb-b126-34119c7f4fb2/800x450.webp)
2023 жылдың 2 желтоқсанында ҚР Ұлттық қауіпсіздік комитеті Шекара қызметінің Ақтөбе облысы бойынша департаментінің "Қиялы" шекара заставасында әскери қызметші өз әріптесін атып өлтірді, деп хабарлайды Zakon.kz.
"Ауызша жанжалдың салдарынан келісім-шарт бойынша әскери қызметші әріптесіне (сонымен қатар келісімшарт бойынша әскери қызметші) бекітілген қарудан оқ атқан, соның салдарынан сарбаз жедел жәрдем көлігінде қаза тапқан", - делінген ҚР Бас әскери прокуратурасының хабарламасында.
ҚР Қылмыстық кодексінің 99-бабының 1-бөлігі ("Адам өлтіру") бойынша сотқа дейінгі тергеу амалдары жүргізілуде.
Әскери қызметкердің ұсталғаны, бұлтартпау шарасын таңдау мәселесі шешіліп жатқаны айтылды.
2023 жылдың 9 қазанында қазақстандық әскери қызметкердің басынан алған жарақатынан қайтыс болғаны хабарланған болатын.
2023 жылдың 30 қыркүйегінде тағы бір қайғылы оқиға белгілі болды. Одан кейін Ақтау маңында оқу-жаттығу кезінде әскерге шақырылған сарбаз ауыр жарақат алды: әскери қызметші ауруханаға бара жатқан жолда қайтыс болды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript