АҚШ-та жасанды интеллектің игілігін теріс пайдаланған
Сурет: pixabay
"Арнайы заң бекітпесе, мұндай жағдай көбейе түспек", - дейді мамандар.
Елдің жағасын ұстатқан оқиғаның бірі Нью Джерси шатандағы мына мектепте болған. 14 жасар бірнеше қыздың жалаңаш суреттері снапчат әлеуметтік желісі арқылы тарап кетеді, деп жазады qazaqstan.tv.
Тексеріс жалған порнографиялық суретті сыныптас бозбаланың жасанды интелект қосымшасын пайдаланып жасағанын анықтайды.
"Біз бұған қатты ашуландық. Қыздардың көбі жылап та алды. Мұндай сұмдық жағдайға тап боламыз деп кім ойлаған. Жасанды интеллектінің себебінен кез келгеніміз зардап шегуіміз мүмкін." Френческо Мани, оқушы
Жалған суреттер тамыз айында тараған. Бірақ, ол туралы көпшілікке енді ғана мәлім болып отыр. Арада толық екі ай өтсе де бұзақылық жасаған балаға ешқандай шара қолданылмаған. Қазір тергеу жүріп жатыр. Алайда, зардап шеккен отбасылар оны мектептен шығаруды және жазаға тартуды талап етуде.
"Маған мектеп өкілдері хабарласып, бірнеше оқушы қыздың түрлерін пайдалану арқылы жалған жалаңаш суреттер снапчаттағы топтарда таралып жатқанын хабарлады. Алғаш естігенде шок болдым. Енді ешбір ата ана мұндай жағдайға дайын болмасы анық. Кейін мектептің қарекетсіз отырғанына қарап, көңілім түсті." Дорота Мани, ата-ана
Дәл осындай жағдай Вашингтон штатында да болды. Сиэтл қаласында орта мектепте оқитын қыздардың жаңалаңаш бейнелерін жасаған жасөспірімнің үстінен тергеу басталды. Жалпы, тәуелсіз зерттеушілердің хабаралауынша жыл басынан бері елде 143 мыңнан астам дип фейк видео мен сурет ғаламторға жүктелген.
