Жаңалықтар тізбегі
0

Тараздық тұрғын зейнеткерлерді 11 миллион теңгеге алдап кеткен

Тараздық тұрғын зейнеткерлерді 11 миллион теңгеге алдап кеткен Сурет: Zakon.kz
Тараз қаласының 25 жастағы тұрғыны зейнеткерлерді 11 миллион теңгеге алдап кеткен. Жас жігіт адамдарды алдау сызбасын ойлап тапқан.

Күдікті жалғызбасты зейнеткерлердің үйіне келіп, өзін әлеуметтік қызметкермін деп таныстырған. Өзіне сендіріп алған жәбірленушілерге, қалалық әкімдіктен тегін берді деп, азық-түлік әкеліп берген.

Бір сөмке азық-түлікті табыстағаннан кейін ол зейнеткерлер мен олардың жеке куәліктерін фотосуретке түсіріп, бұл шара басшылыққа есеп берудің қажетті рәсімі екеніне сендірген.

Содан кейін жас жігіт банк қосымшасының "онбордингін" (биометрия) тексеру кезеңінде зейнеткерлердің фотоларын пайдаланып, олардың құжаттарымен несие рәсімдеген. Осылайша ол 7 зейнеткерді алдап, оларға жалпы сомасы 11 миллион теңге материалдық шығын келтірген.

Жас жігіт түскен ақшаны өзінің қарыздарын өтеуге жұмсаған. Қалалық соттың үкімімен жалған әлеуметтік қызметкер 5 жыл жазасын өтеу үшін қауіпсіздігі орташа колонияға жіберілді.


"Сотталған Семей қаласындағы қауіпсіздігі аралас түзеу мекемесіне келген. Қазір сотталғанды жан-жақты зерделеу жұмыстары жүргізіліп жатыр", – деп хабарлады мекеме бастығының орынбасары Нұржан Шидебаев.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: