Қазақстандық келіншек алматылықтарды 25 миллион теңгеге алдап кеткен

Қазақстандық келіншек Алматы тұрғындарының тұрмыс жағдайын жақсартамын деп алдап кеткен. Қазіргі уақытта оның 14 алаяқтыққа қатысқаны дәлелденді, деп хабарлайды Zakon.kz.

Қалалық полицейлердің айтуынша, әйел жер, пәтер және басқа да жылжымайтын мүлікті төмен бағаға сатып алуды ұсынған.

Күдікті тұрғындардан 2 миллионнан 7 миллион теңгеге дейінгі алғашқы жарнаны алып, із суытқан. Қазіргі уақытта оның 14 алаяқтық іске қатыстығы дәлелденді», – дейді Алатау аудандық полиция бөлімінің бастығы Ілияс Өмірсеріков.

Оның айтуынша, жалпы материалдық шығын 25 миллион теңгеден асады.

Күдікті қамауға алынды.

Азаматша бұрын сотталмаған. Алайда оның басқа да істерге қатыстығының бар жоғы тексеріліп жатыр», - деп қосты ол.