Тоқаев Ақтөбедегі Smart Bilim мектеп-гимназиясын аралап көрді

Мемлекет басшысы Ақтөбе қаласында жеке инвестициялар есебінен салынған Smart Bilim мектеп-гимназиясына барды, деп хабарлайды Zakon.kz.

Президент білім ошағындағы спорт залын, асхананы және шығармашылық ойлау жүйесін дамытуға арналған ArtLab кабинетін аралап көрді. Сондай-ақ 1-11 сынып оқушыларын негізгі ІТ бағыттар бойынша 3D-модельдеуге баулитын ArtNationkz білім беру жобасымен танысты.

Сурет: akorda.kz

"Кәсіпкердің жеке қаражатына салынған бұл мектеп-гимназия биыл қыркүйек айында ашылды. Оның құрылысына 5,7 миллиард теңге жұмсалған. Нысанның аумағы – 122 мың шаршы метр. Бүгінде мектепте 3600 оқушы білім алып жатыр", делінген Ақорда хабарламасында.

Сурет: akorda.kz

Мемлекет басшысы мектеп оқушыларымен әңгімелесіп, олардың оқуда табысты болуына тілектестік білдірді.

Сурет: akorda.kz

Айта кетсек, алдында Мемлекет басшысы қаламгерлердің ескерткіштеріне гүл шоғын қойып, одан кейін Тахауи Ахтанов атындағы Ақтөбе облыстық драма театрының жұмысымен танысқан болатын.