Жаңалықтар тізбегі
0

Павлодар облысының атқамінерлері тапшы жердің құнын 833 есеге төмендеткен

7 желтоқсанда Павлодар облысы прокуратурасының баспасөз қызметі хабарлағандай, қадағалаушы мекеме өңірде жер қатынастары саласындағы өрескел заң бұзушылықтарды анықтады. Сурет: freepik
Павлодар облысында тапшы жайылымдық жердің қымбат телімі нақты бағадан 833 есе төмен бағаға жалға берілді, деп хабарлайды Zakon.kz.

7 желтоқсанда Павлодар облысы прокуратурасының баспасөз қызметі хабарлағандай, қадағалаушы мекеме өңірде жер қатынастары саласындағы өрескел заң бұзушылықтарды анықтады.

Павлодар облысында ауыл шаруашылығы мақсатындағы шамамен 70% жер бар, олардың басым бөлігі жеке меншікте және жер пайдалануда.

"Тексеріс барысында елді мекендер шегінде жайылымдық жерлер мен егістіктер үшін жер учаскелерін беріп, міндетті конкурстық рәсімдерді елемей, пайдаланғаны үшін төлемді азайтып, лауазымды тұлғалардың құзыретіне кірмейтін шешімдер қабылдаған елеулі бұзушылықтар анықталды." Павлодар облысының прокуратурасы

Атап айтқанда, бір учаске бойынша жалға алудың жылдық құны 50 млн. теңгенің орнына 60 мың теңге деп белгіленген.

Анықталғандай, халықтың қажеттіліктері үшін жайылымдық жерлер тапшылығы бола тұра, олар "бір қолға" берілген.

Мысалы, Ертіс ауданында 47 мың га тапшылық болса да, жер жеке тұлғаларға заңсыз берілген.

Осындай фактілердің бірі бойынша аталған ауданда сот тәртібімен ауданы 3 мың гектардан асатын жайылымдарды қайтару қамтамасыз етілді.

Жер қатынастары саласында лауазымдық өкілеттіктерді асыра пайдалану фактілері бойынша облыс прокуратурасы Қылмыстық кодекстің 361-бабы 4-бөлігінің 3-тармағы бойынша сотқа дейінгі тергеп-тексеруді бастады.

Тексерулер жалғасуда.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: