Облыс әкімі: Степногорск қаласындағы жылу трассасының зақымдануы жөнделді

Ақмола облысының әкімі Марат Ахметжанов Степногорск қаласындағы жылу трассасының зақымдануы жөнделгенін айтты, деп хабарлайды Zakon.kz.

Оқиға орнында 15 адам мен 6 техника бұзушылықты жою үшін жұмыс істеп жатыр.

Сағат 8:10-да дәнекерлеу жұмыстары аяқталып, жүйеге су берілуде.

Әкімдіктің мәліметінше, төтенше жағдай кеше 21:45-те болған. 30 градустық аязда халық жылусыз қалды.

"Степногорск энергокешені" ЖШС басшысы Мақсат Ысқақов қалпына келтіру жұмыстары 5-6 сағатқа созылатынын айтты.