Ақтөбедегі бейімдеу орталығынан қашып кеткен үш қыз жалдамалы пәтерден табылды
Сурет: Ақтөбе облыстық полиция департаментінің баспасөз қызметі
Ақтөбедегі "Аяла" кәмелетке толмағандарды бейімдеу орталығынан қашып кеткен үш қыз бір тәуліктен соң жалдамалы пәтерден табылды, деп хабарлайды Zakon.kz.
Ақтөбе облыстық полиция департаменті баспасөз қызметінің хабарлауынша, жедел-іздестіру іс-шаралары барысында полиция қызметкерлері қашып кеткен қыздарды тапты.
"Тексеру барысында олардың жалдамалы пәтерде екендігі анықталды. Қазіргі уақытта кәмелетке толмаған тәрбиеленушілер Ақтөбе қаласы полиция бөліміне жеткізілді. Үшеуі үш түрлі мектепте оқиды". Ақтөбе облыстық полиция департаментінің баспасөз қызметі
Қыздардың үшеуі де орталықтан сырт киімсіз шығып кеткен. Олардың киім алғанын фотодан көруге болады.
Еске салайық, бұған дейін Ақтөбедегі "Аяла" кәмелетке толмағандарды бейімдеу орталығынан үш қыз терезені сындырып, қашып кеткенін хабарлаған едік.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
