Тәуелсіздік күніне орай Батыс Қазақстан облысында медициналық нысан ашылды
Сурет: БҚО әкімдігінің баспасөз қызметі
Бүгінгі күні биылға жоспарланған 12 нысанның 6-ы халық игілігіне берілді. Қалған 6 нысан жыл соңына дейін берілетін болады.
Бүгін Тәуелсіздік күні мерекесі қарсаңында Теректі ауданына қарасты Сарыөмір ауылында БҚО әкімі Нариман Төреғалиев қатысуымен 6-шы нысанның ашылу салтанаты өтті.
Сурет: БҚО әкімдігінің баспасөз қызметі
Бұл нысанды салуға республикалық бюджеттен 374 млн теңгеге жуық қаражат бөлінді. Құрылыс мерзімі 4 ай болса да, "Фирма ИСКОМ" ЖШС мердігер компаниясы белгіленген мерзімнен ерте аяқтады.
Аталған дәрігерлік амбулатория күніне 35 адам қабылдай алады, заманауи медициналық құралдармен жабдықталған, ауыл тұрғындар арасында 22 адам тұрақты жұмыспен қамтылады.
Сурет: БҚО әкімдігінің баспасөз қызметі
Дәргерлік амбулатория емдеу-профилактикалық объектісі болып саналады, ішінде жалпы дәрігерлік-профилактилық дәрігер кабинеті, процедуралық, физиотерапевттік, тіс емдейтін кабинеттер, акушер-гинекологкабинеті, зертханалар мен дәріхана, сонымен қатар, дені сау баланың кабинеті және тағы да басқа қарастырылған.
Сурет: БҚО әкімдігінің баспасөз қызметі
Жалпы биыл облысымызда денсаулық сақтау жүйесін қаржыландыруға 92 млрд. теңге қарастырылды. Осы жылы 5,5 млрд. теңгеге медициналық жабдық сатып алу жоспарланған.Қазіргі таңда 204 бірлік медициналық жабдық алынды. Сондай-ақ, облыста медициналық ұйымдарға жергілікті бюджет есебінен 1,7 млрд теңгеден астам қаражат бөлініп, 81 жедел жәрдем автокөлігі сатып алынды.
Жалпы сомасы 1 млрд, 733 млн теңгеге жуық қаржыға 22 денсаулық сақтау нысанына күрделі жөндеу жұмыстары жүргізілуде, оның ішінде "Ауыл-ел бесігі" жобасы аясында 6 нысан бар. 18 нысан бойынша жөндеу жұмыстары аяқталды.
Сурет: БҚО әкімдігінің баспасөз қызметі
Өңір басшысы ауыл тұрғындарын ел дамуына, өмір сапасын арттыруға бағытталған жаңа нысанның ашылуымен және келе жатқан Тәуелсіздік күні мерекесімен құттықтады.
