Түркістан облысында жас жігіт үйлену тойында аспанға оқ атқан

үйлену той, сурет - Zakon.kz жаңалық 11.12.2023 22:54

Сурет: otyrar

Түркістан облысында үйлену тойында аспанға қарумен оқ атқан 19 жастағы жігіт жауапқа тартылды. Әлеуметтік желіге жүргізілген мониторинг кезінде полицейлердің назарына той салтанатын ұйымдастырған жастар ілікті, деп хабарлайды Zakon.kz.

Видеоға жас жігіттер аспанға қандай да бір қарумен оқ атқаны және кортеждегі жүргізушілердің жол ережесін бұзғаны түскен.

Полиция қызметкерлері оқиғаның Сайрам ауданында болғанын анықтады. Сондай ақ, жас жігітке ҚР Әкімшілік құқық бұзушылық туралы кодексінің 485-бабы 1-бөлігімен хаттама толтырылды.

"Сайрам ауданының полицейлері 19 жастағы тұрғынның қолындағы қарудың сигналдық қару екенін анықтады. Сонымен қатар, жол ережесін бұзған жүргізушілердің жеке басы нақтыланып, Әкімшілік құқық бұзушылық туралы кодексінің төрт бірдей бабымен хаттама толтырылды". Түркістан облысы полиция департаменті баспасөз хатшысы Гүлнар Абдужаппарова

Мәжіліске қызметтік иттер кіргізілді.

Оқи отырыңыз